Blogger Widgets

Monday, April 15, 2013

အရက်ဋီကာချဲ့ခြင်း


ဆရာဝန်ကြီးတစ်ယောက်က ပြောဘူးတယ်။ "အရက်က ဈေးကြီးပေးအရက် ကောင်းကောင်းဆိုရင် အဆင်ပြေတယ်။ ကျန်းမာရေး ကောင်းသင့်သလောက် သောက်ပါ" လို့ ပြောထားတယ်။

ဒီအမေးကို ဆရာဝန်လေးဖြေပါမယ်။ ဈေးကြီးရင် ပစ္စည်းပိုကောင်းတဲ့ ဥပဒေသကတော့ အမှန်ရှိပါတယ်။ ဥပမာ အရက်လို ရေမွှေးလိုပေါ့။ ဈေးနည်းတာ သောက်ရလေလေ ဆိုးကျိုး ပိုဖြစ်နိုင်လေဆိုတာလည်း မှန်ပါတယ်။ “ကျန်းမာရေး ဘက်က တွက်ရင်တော့ အဆိုးလေးနဲ့ အဆိုးကြီးသာဖြစ်ပါတယ်။”

အရက်ဆိုရင် ဟောင်းလေ ကောင်းလေ ဥပဒေသလည်း ရှိပါသေးတယ်။ ၁၈ နှစ်သက်တမ်းရှိတဲ့ Macallan Old Sherry Wood Distilled 1980 Bottled 1998 700ml တပုလင်းကို ဒေါ်လာ $1100 ပေးရတယ်။

Scotch Whisky စကော့ခ်ျ-ဝီစကီတွေက ဟောင်းရင် ဈေးကောင်းရတယ်။
• ၂၁ နှစ်သက်တမ်း Balvenie Portwood = $189.90
• ၁၇ နှစ်သက်တမ်း Balvenie = $129.90
• ၁၅ နှစ်သက်တမ်း Dalwhinnie Single Malt = $63.90
• ၁၂ နှစ်သက်တမ်း Cragganmore Single Malt = $59.95
• ၁၂ နှစ်သက်တမ်း Dewar's Special Reserve = $35.95
• ၁ဝ နှစ်သက်တမ်း Ardbeg = $49.95
• ၅ နှစ်သက်တမ်း Bench 5 Scotch Whisky = $23.55
• ၃ နှစ်သက်တမ်း House Of Stuart = $18.90
• ၃ နှစ်သက်တမ်း House of Stuart = $9.25

“အရက်မှာ ဟောင်းတိုင်း ကောင်းသလား” လို့ မေးခွန်းထုတ်တာတွေလည်း ရှိပါသေးတယ်။ နာမည်ကြီး Chivas (ချီးဗတ်စ်) ကနေ သုတေသနလုပ်ထားပါတယ်။ သောက်သုံးသူ ၉၃%ကတော့ ဟောင်းတာ ကောင်းတယ်လို့ ပြောကြပါတယ်။ ရောင်းတဲ့သူအကြိုက်အဖြေ ဖြစ်ပါတယ်။ ကျန်ရာနှုန်းထဲက ထောက်ပြတာကတော့ ဝီစကီထဲမှာပါတဲ့ Spirits (စပစ်ရစ်) အရက်ဟာ သိမ်းဆီးဘို့ထားရတဲ့ Cask ထည့်စရာထဲမှာ ကြာလာရင် သစ်သားနဲ့ဓါတ်ပြုပြီး ပြောင်းလဲ ပျက်စီးလာမယ်တဲ့။ သူ့ထဲမှာ ချက်လုပ်ရာမှာပါတဲ့ အစေ့အဆံရဲ့အစွမ်းကို ဖုံးလွှမ်းသွားတယ်တဲ့။ ဥပမာ Malt Scotch မော့လ် ထုပ်တာမှာသုံးတဲ့ ဘာလီစေ့။ ဥပမာပြရရင် မျက်နှာမှာ မိတ်ကပ်ထူထူကြီးလိမ်းသလိုဘဲတဲ့။

အရက်အမျိုးမျိုးကို ချက်လုပ်ရာမှာ ဘယ်လို အစေ့အဆံတွေသုံးသလဲ -
• Bourbon whiskey 51% Corn (Maize) ပြောင်း-ပြောင်းဖူးစေ့၊
• Corn whiskey 80% Corn ပြောင်းစေ့၊
• Malt whiskey 51% Malted barley ဘာလီစေ့၊
• Rye whiskey 51% Rye ရိုင်း-စပါးစေ့၊
• Rye malt whiskey 51% Malted rye ရိုင်း-စပါးစေ့၊
• Wheat whiskey 51% wheat ဂျုံစေ့၊
• Beer (ဘီယာ) ကို Barley ဘာလီ၊ ဒါမှမဟုတ် တခြားအစေ့အဆံတွေကနေ ထုတ်တယ်။
• Wine (ဝိုင်) ကို စပျစ်သီးကနေ အများဆုံးထုတ်တယ်။ တခြား အသီးတွေကနေလဲ ထုတ်သေးတယ်။
• Vodka (ဗော့ဒဂါ) ကို အစေ့အဆံကိုသိုးအောင်လုပ်ပြီးမှ ထုတ်ရတယ်။
• Gin (ဂျင်န်) ကလဲ အဲလိုဘဲ။
• Cider (စီဒါ) ဆိုတဲ့ အမေရိကားနဲ့ ကနေဒါကအရက်ကို ပန်းသီးရည်ကနေထုတ်တယ်။

Scotch whiskies တွေက အနည်းဆုံး နှစ်ခါ (တချို့က အခါ ၂ဝ) ပေါင်းခံတယ်။ အစစ်သတ်မှတ်ချက်အရ အနည်းဆုံး ၃ နှစ်ထားရမယ်။ Oak casks (အုတ်သစ်သား) နဲ့လုပ်ထားတဲ့ စည်ပိုင်း ထဲမှာသာထားရမယ်။ ဘယ်လောက်ကြာပြီဆိုတာ မပါဘဲ ရောင်းမရဘူး။ Smoky flavor မီးသင်းထားတဲ့ အနံ့လေး ပါတာများတယ်။ Peat smoke သစ်ဆွေးမြေကို သုံးလေ့ရှိတယ်။

အရက်ကောင်းလို့ ယေဘုယျခေါ်ကြတဲ့ ဝီစကီကို တခြားနိုင်ငံတွေကလည်း ထုတ်ပါတယ်။ (စကော့ခ်ျ) အစစ်မဟုတ်ပါ။ ဥပမာ အိန္ဒိယမှာ ဝီစကီကို Neutral spirits အရက်ပျံနဲ့ ရောထားတယ်။ ဒီဟာက သကြားထုတ်တဲ့အခါမှာသုံးတဲ့ ကြံ၊ စပျစ် စတာတွေကနေရတယ်။ အဲလိုထုတ်လုပ်တာက Rum (ရမ်) နဲ့ပိုတူနေပါမယ်။

အရက်ထဲမှာ ဓါတုဗေဒအရ ဘာတွေပါသလဲ -
အနံ့မွှေးဘို့သုံးတာထဲမှာ (ကာဗွန်နိုင်းလ်) ဓါတ်ပေါင်း၊ (အယ်လ်ကိုဟော)၊ (ကာဘောက်ဆလစ် အက်စစ်)၊ (နိုက်ထရိုဂျင်) နဲ့ (ဆာလ်ဖါ) ဓါတ်ပေါင်းတွေ၊ (တဲနင်)၊ (တာပိုင်း)၊ (ပိုင်ရဒင်း)၊ (ပိုင်ရဇင်း) ဆိုတာတွေပါတယ်။ Oak အုတ်သစ်သား စည်ထဲမှာ ထားသိုရလို့ (အုတ်) နံ့ရနေတယ်။ ဓါတ်ပေါင်းတွေပါမယ်။ Distillation ပေါင်းခံဖြစ်စဉ်ကနေ Fusel oils လောင်စာဆီ ပါတယ်။ သူက (အက်စနောလ်) ထက်ပိုပြီး အဆိပ်သဘောရှိတယ်။ ဒါကြောင့် ဒုတိယအကြိမ် ပေါင်းခံတဲ့အခါမှာ မီးသွေးစတာတွေကို သုံးတတ်တယ်။ ဝီစကီကို အရောင်ပေးဘို့သုံးတဲ့ ဓါတ်ပေါင်းတွေလဲ ပါနေတယ်။

အရက်အမျိုးမျိုးထဲမှာ အရက်ဘယ်လောက်ပါသလဲ -
• Pilsner ပေလ်စနာ = 3–6%
• Beers ဘီယာ = 3-10%
• Lager လက်ဂါဘီယာ = 4-5%
• IPA (Pale Ale) ပေးလ်-အေးလ် = 6-7%
• Sparkling Wine စပါကလင်-ဝိုင် = 8–12%
• Wine (general) ပုံမှန် ဝိုင် = 10–15%
• Madeira Wine မဒီရာ-ဝိုင် = 15-18%
• Bum Wine ဘမ်-ဝိုင် = 15-20%
• Port Wine ပို့တ်-ဝိုင် = 16-20%
• Fortified Wines ဝိုင်အပြင်း = 16–22%
• Sherry ရှယ်ရီ-ဝိုင် = 17–22%
• Cask Strength Whisky/Rum စည်သွပ် ဝီစကီ၊ ရမ် = 60%
• Vodka/Whiskey/Rum ဗော့ဒဂါ၊ ဝီစကီ၊ ရမ် = 40%
• Neutral Grain Spirits ချက်အရက် = 95%
• Rectified Spirits မီးတောက်အရက် = 96%

အရက် အမယ်ပေါင်း ၂ ဒါဇင်လောက်ရေးပြီးပြီ၊ တာရှည် အရက်သောက်ရာကနေ ရစေနိုင်တဲ့ ရောဂါ ၁ ဒါဇင်တိတိ နာမည်လေးတွေ ရေးပါရစေ။
1. Anemia သွေးအားနည်းခြင်း၊
2. Cancer ကင်ဆာ၊
3. Cardiovascular disease နှလုံး-သွေးကြောရောဂါ၊
4. Cirrhosis အသဲခြောက်ရောဂါ၊
5. Dementia အသိဥာဏ်ချို့ယွင်းရောဂါ၊
6. Depression စိတ်ကျရောဂါ၊
7. Seizures အတက်ရောဂါ၊
8. Gout ဂေါက်ရောဂါ၊
9. High blood pressure သွေးတိုးရောဂါ၊
10. Infectious disease ကူးစက်ရောဂါ၊
11. Nerve damage အာရုံကြောထိခိုက်ခြင်း၊
12. Pancreatitis သရက်ရွက်ရောင်ခြင်း။

အရက်ဈေးကြီးတာက ပိုကောင်းတယ်ဆိုလို့ သောက်နိုင်သူများခင်ဗျား၊ တပုလင်း ဒေါ်လာ ၂ဝ ကနေ ၁ဝဝဝ အကုန်ခံနိုင်တယ်ထားပါတော့၊ အသဲရောဂါရလို့ အသဲလဲရရင် ဒေါ်လာ တသောင်းမက ကုန်ကျပါမယ်။

• အရက်ဋီကာ အတိုအထွာ http://dts-medicaleducation.blogspot.in/2013/04/blog-post_15.html
• Alcoholism အရက်အတွက် ခက်နေသူတွေ http://dts-medicaleducation.blogspot.in/2012/08/alcoholism.html
• Alcohol and Depression အရက်က စိတ်ကျစေတယ် http://dts-medicaleducation.blogspot.com/2011/01/alcohol-and-depression.html
• Alcohol Taxes and Public Health အရက်ခွန်နဲ့ ကျန်းမာရေး http://dts-medicaleducation.blogspot.com/2011/11/alcohol-taxes-and-public-health.html
• How to lessen the effects of Alcohol အရက်မူးတာ သက်သာအောင် http://dts-medicaleducation.blogspot.in/2012/12/how-to-lessen-effects-of-alcohol.html

ဒေါက်တာတင့်ဆွေ
၁၅-၄-၂ဝ၁၃

No comments:

Post a Comment