Blogger Widgets

မြန်မာ videos လေးတွေကြည့် သွားဦးနော်

Loading...

Monday, April 15, 2013

ကမ္ဘာတစ်ဝန်းမှ အရေပြား အထူးကု ဆရာဝန်တို့၏ အသားအရေ ထိန်းသိမ်းနည်း ဆိုင်ရာ အမေးအဖြေများ


အသားအရေထိန်းသိမ်းမှုနဲ့ ပတ်သက်ပြီး လူအများ သိချင်ကြတဲ့ မေးခွန်းတွေကို နယူးယောက်၊ ဘော့စတွန် အစရှိတဲ့ နေရပ် အသီးသီးမှ အရေပြားအထူးကု ဆရာဝန်ကြီးတွေက ဖြေကြား ပေးထားတာ ဖြစ်ပါတယ်။



အသက် ၃၀ ကျော်ချိန်မှာ ပေါက်တဲ့ ဝက်ခြံတွေ ပျောက်အောင် ဘယ်လို ကုသသင့်ပါသလဲ။

ဝက်ခြံတွေ ပျောက်အောင် ရက်တီနော (Retinol) ကို လိမ်းပေးနိုင်ပါတယ်။ ရက်တီနောပါတဲ့ ခရင်မ်လိမ်းတာက အရေပြားဆဲလ်တွေ တည်ဆောက် ဖြိုခွဲတဲ့စနစ်ကို တိုးစေပြီး အသားအရေ ခြောက်သွေ့စေပါတယ်။ ဒါကြောင့် အစိုဓာတ်ထိန်း ခရင်မ်နဲ့ တွဲလိမ်းပါ။

ကျွန်မအနေနဲ့ ရေလည်း များများသောက်ပါတယ်။ အိပ်ရေးဝဝလည်း အိပ်ပါတယ်။ ဒါပေမဲ့ မျက်ကွင်းညိုနေတုန်းပဲ။ ဘာလုပ်သင့်ပါသလဲ။



မျက်ကွင်းညိုတာက မျိုးရိုးနဲ့ အကြီးအကျယ် ဆက်စပ်မှုရှိပါတယ်။ Niacinamide၊ CaffeineeJY Retinol တို့ပါတဲ့ မျက်ဝန်းလိမ်း အိုင်းခရင်မ်က မျက်ဝန်းတစ်ဝိုက်ကို တောက်ပ လင်းလက်စေပါတယ်။ အိပ်တဲ့အခါ ဦးခေါင်းကို မြှင့်ပြီး အိပ်သင့်ပါတယ်။

မျက်ခုံးနှစ်ခုကြားမှာ အရေးကြောင်း ထင်းထင်းကြီး ပေါ်နေပါတယ်။ သက်သာအောင် ဘယ်လို လုပ်သင့်ပါသလဲ။

မျက်မှောင်ကြုတ်ပြီး စာဖတ်တာလို မျက်နှာကို ရှုံ့တာမျိုးကို တတ်နိုင်သမျှ ရှောင်ပါ။ မျက်မှန်တပ်ပြီး စာဖတ်ပါ။ Retinol ဒါမှမဟုတ် ဗီတာမင်စီ ပါဝင်တဲ့ ခရင်မ်ကို လိမ်းပေးပါ။ အကောင်းဆုံးနဲ့ အမြန်ဆုံး အာနိသင်ရဖို့ဆိုရင် ဘိုတော့စ် (Botox) ထိုးပေးပါ။

အသားအရေထိန်း ပစ္စည်းတွေကို လိမ်းတဲ့အခါ မှန်ကန်တဲ့ နည်းလမ်းက ဘာပါလဲ။

အသားအရေထိန်း ပစ္စည်းတွေမှာ အပါးဆုံးကို အရင်လိမ်းပြီးမှ ထူတာတွေကို ဆက်လိမ်း သွားသင့်ပါတယ်။ အရည်၊ ဂျဲလ်ဆီကြည် စတာတွေကို အရင်ဆုံး စလိမ်းပြီးမှ အပေါ်က ခရင်မ်နဲ့ လိုးရှင်းကို လိမ်းသင့်ပါတယ်။

နှုတ်ခမ်းတစ်ဝိုက်က အရေးကြောင်းပါးပါးတွေကို သက်သာအောင် ဘယ်လိုလုပ်သင့်ပါသလဲ။

နှုတ်ခမ်းကို စူထားတဲ့ ပုံစံမျိုး မလုပ်ပါနဲ့။ ဆေးလိပ်မသောက်ပါနဲ့။ ပိုက်နဲ့ အရည်သောက်တာကို ထိန်းချုပ်ပါ။ ညဘက်မှာ ရက်တီနောခရင်မ် လိမ်းပြီး နံနက်မှာ နေကာခရင်မ် လိမ်းပါ။

မှောက်ပြီး အိပ်တာက မျက်နှာမှာ အရေးကြောင်း ထင်နိုင်ခြေ များပါသလား။

များပါတယ်။ ပက်လက်လှန်ပြီး အိပ်တာက မျက်နှာအရေပြားအတွက် အကောင်းဆုံး အနေအထားပါ။ ဦးခေါင်းကိုမြှင့်ပြီး အိပ်တာက အိပ်ရင်း လူးလှိမ့်နိုင်ခြေ နည်းပြီး မှောက်အိပ်တာမျိုး မဖြစ်စေနိုင်ပါဘူး။



နုပျိုသန်စွမ်းတဲ့ အရေပြား ဖြစ်ဖို့အတွက် ဘာတွေကို စားပေးသင့်ပါသလဲ။



သစ်သီးနဲ့ ဟင်းသီးဟင်းရွက်တွေလို အစားအသောက်တွေကို များများစားပါ။ စတော်ဘယ်ရီသီး၊ ခရမ်းချဉ်သီးနဲ့ ပန်းဂေါ်ဖီစိမ်းတွေကို များများစားပါ။



အိုမင်းမှုတားပစ္စည်း (Anti-aging Product) ကို ဘယ်လောက်ကြာကြာ သုံးမှ အကျိုး ထိရောက်မှု ရှိလာမှာလဲ။



စိတ်ရှည်ရှည်ထားပါ။ အသားအရေ လှပတင်းရင်းမှု ရှိစေဖို့ အချိန် လေးပတ်-ခြောက်ပတ်လောက်တော့ စောင့်ရပါတယ်။ အကောင်းဆုံးရလဒ်ကို ရဖို့ဆိုရင်တော့ အချိန် သုံးလလောက်စောင့်ဖို့ လိုပါတယ်။

မျက်နှာကို ပင့်တင်ပေးတဲ့ အစိုဓာတ်ထိန်း ခရင်မ် (Lifting Moisturizers) က တကယ် အစွမ်းထက်ရဲ့လား။

သင်သုံးတဲ့ အစိုဓာတ်ထိန်း ခရင်မ်မှာ ရက်တီနော (Retinol) နဲ့ အစိုဓာတ် ထိန်းပေးတဲ့ ပါဝင်ပစ္စည်းတွေ ပါဝင်ရင် အရေပြားကို တင်းရင်း ပြည့်ဖြိုးစေပါတယ်။ ဒါပေမဲ့ အရေပြားကို ပင့်တင်ပေးလိမ့်မယ်လို့တော့ မမျှော်လင့်ပါနဲ့။



မျက်နှာပေါ်က အမွေးအမှင်တွေကို ဘယ်လို ဖယ်ရှားရမလဲ။



ဒါတွေက ဟော်မုန်း အပြောင်းအလဲကြောင့် ဖြစ်တတ်ပါတယ်။ မျက်နှာပေါ်က အမွေးတွေက နက်ပြီး ကြမ်းတမ်းနေသလား။ လေဆာနည်းနဲ့ အမွေးတွေကို ဖယ်ရှားပေးတာက အကောင်းဆုံးနည်း ဖြစ်ပါတယ်။ မျက်နှာပေါ်က အမွေးတွေက နူးညံ့နေရင်တော့ အရောင်ချွတ်တဲ့နည်း၊ ဖယောင်းသွင်းပြီး ချွတ်တဲ့နည်း (Waxing) တွေကို သုံးပြီး ချွတ်နိုင်ပါတယ်။



မျက်လုံးအောက်မှာ ဓာတ်မတည့်မှုကြောင့် ဖောင်းအစ်ပြီး ရောင်နေပါတယ်။ ဘယ်လို ကုသသင့်ပါသလဲ။



ဓာတ်မတည့်မှုဖြစ်တဲ့ အရာကို အရင် ကုသလိုက်ပါ။ ဒါဆိုရင် မျက်အိတ်ဖောင်းတာက အလိုလို လျော့ကျသွားပါလိမ့်မယ်။

မျက်နှာကို ဘယ်လောက်ကြာမှာ တစ်ကြိမ် ကြေးချွတ် သန့်စင်သင့်ပါသလဲ။

မျက်နှာကို ကြေးချွတ် သန့်စင်မှု များလွန်းတာက အရေပြား စပ်ဖျဉ်းဖျဉ်း ဖြစ်တာ၊ ပေါက်ပြဲတာနဲ့ နာကျင်တာတွေကို ဖြစ်စေနိုင်ပါတယ်။ ဒါကြောင့် အရေပြားကို တစ်ပတ်တစ်ကြိမ် ညင်ညင်သာသာ ကြေးချွတ်ပေးပါ။ ပြီးရင် အစိုဓာတ်ထိန်းပေးပါ။



ပခုံးနဲ့ ရင်ဘတ်မှာ ရှိတဲ့ မှဲ့ခြောက်တွေကို ဘယ်လို ဖယ်ရှားရမလဲ။



အဲဒီအရာတွေက မှဲ့ခြောက် ဟုတ်၊ မဟုတ် အရေပြားကို သေချာစစ်ဆေးပါ။ အရေပြားကင်ဆာနဲ့ မှားနေနိုင်လို့ပါ။ တကယ်လို့ မှဲ့ခြောက်ဆိုတာ သေချာရင် လေဆာနည်းနဲ့ ဖယ်ရှားသင့်ပါတယ်။



ကျွန်မရဲ့ အသားအရေက အဆီပြန်ပြီး ချွေးပေါက် ကျယ်ကြီးတွေလည်း ရှိပါတယ်။ ပျောက်ကင်းအောင် ဘယ်လို လုပ်နိုင် ပါသလဲ။



ဂလိုင်ကောလစ် အက်စစ် (Glycolic Acid) ဒါမှမဟုတ် ဆလီးဆလစ်အက်စစ် (Salicylic Acid) နဲ့ ရက်တီနောပါတဲ့ အသားအရေထိန်းပစ္စည်း အမျိုးအစားကို လိမ်းပါ။ နေရောင်ကာ ခရင်မ်ကို မဖြစ်မနေ လိမ်းသင့်ပါတယ်။ နေဒဏ်ကို ခံရရင် အရေပြားက ပိုမို အဆီပြန်နိုင်ပြီး ချွေးပေါက်တွေလည်း ကျယ်လာပါလိမ့်မယ်။

ကျွန်မခန္ဓာကိုယ်မှာ အနီရောင် အစက်အပြောက်တွေကို တွေ့နေရပါတယ်။ ဘာလုပ်သင့်ပါသလဲ။

မမြင်ရဘဲနဲ့ ပြောဖို့ဆိုတာ ခက်ပါတယ်။ နှင်းခူ ဒါမှမဟုတ် ဆိုးရီးယေးစစ် အရေပြားအနာ ဒါမှမဟုတ် အပူဒဏ်ကြောင့် ဖြစ်တဲ့ နီမြန်းမှုနဲ့ ဓာတ်မတည့်မှု စတာတွေထဲက တစ်မျိုးမျိုး ဖြစ်နိုင်ပါတယ်။ အရေပြား အထူးကုဆရာဝန်နဲ့ ပြလိုက်ပါ။ ပြီးရင် ကုသမှု ခံယူသင့်ပါတယ်။

မျက်ခွံတွဲကျတာကို ဘယ်လို ပင့်တင် ပေးနိုင်ပါသလဲ။

ရက်တီနော (Retinol Cream) က ကော်လာဂျင် ထုတ်လုပ်မှု ကောင်းစေပြီး မျက်ခွံတွဲကျတာကို လျော့ကျစေပါတယ်။ အကောင်းဆုံးရလဒ်ကို ရချင်တယ်ဆိုရင်တော့ လေဆာနည်း ဒါမှမဟုတ် Chemical Peel နည်းနဲ့ ကုသဖို့ အရေပြားအထူးကု ဆရာဝန်ကို မေးမြန်းသင့်ပါတယ်။

မျက်နှာနဲ့ လက်တွေပေါ်မှာ အညိုရောင် အစက်အပြောက်တွေ ရှိနေပါတယ်။ ဘယ်လိုနည်းနဲ့ ပျောက်အောင် လုပ်သင့် ပါသလဲ။

ရက်တီနော(Retinol)၊ ပဲပိစပ်(Soy)၊ နွယ်ချို (Licorice) နဲ့ ကိုဂျစ်အက်စစ် (Kojic Acid) ပါတဲ့ ခရင်မ်ကို လိမ်းမယ်ဆိုရင် အသားအရေကို လင်းလက် တောက်ပစေပါတယ်။ တကယ်လို့ လေဆာနည်းနဲ့ ကုသမှု ခံယူမယ်ဆိုရင် အကောင်းဆုံး ရလဒ်ကို ရရှိစေပါလိမ့်မယ်။ နေ့စဉ် နေကာခရင်မ်ကို လိမ်းဖို့ မမေ့ပါနဲ့။

နေ့တိုင်း မိတ်ကပ်တွေကို တစ်မျက်နှာလုံး အပြည့် လိမ်းတာက အသားအရေကို ထိခိုက်စေနိုင်ပါသလား။

မိတ်ကပ်တွေ လိမ်းပြီး မအိပ်ဘူးဆိုရင်တော့ ဘာမှ မဖြစ်နိုင်ပါဘူး။ မိတ်ကပ်တွေက ချွေးပေါက်တွေကို ပိတ်စေနိုင်တာကြောင့် ညမှာ အရေပြား လေဝင်လေထွက် မကောင်းတော့တာမျိုး ဖြစ်တတ်လို့ပါ။ မိတ်ကပ်တွေကို ဖယ်ရှား သန့်စင်ပြီး အိပ်စက်မှသာ ညမှာ အရေပြားက လေဝင်လေထွက် ကောင်းနေမှာ ဖြစ်ပါတယ်။ 

No comments:

Post a Comment